Gleðilegt ár og þökk fyrir það gamla

Facebook er ágætis miðill til að geyma þær stundir sem maður vill ekki gleyma. Þegar ég rifja upp árið, þá var það viðburðaríkt svo vægt sé til orða tekið.

2017

Janúar

Skiptum um bíl fengum okkur Outlander í staðinn fyrir Priusinn. Ætluðum að draga fellihýsi um sumarið og maður dregur ekkert á hybrid bíl.

Febrúar

Skipti um vinnu og allt kaffærðist í snjó.

Mars

Byrjaði hjá Novomatic Lottery Solutions af fullum krafti með flottu fólki. Bónus hvað vinnustaðurinn er nálægt heima.

Apríl

Skruppum til Kanarí til að fá forsmekk af sumrinu.

Maí

Þrjú af börnum mínum urðu eldri og ég Róbert Dagur fórum á mjög eftirminnilega Rammstein tónleika.

Júní

Þróaði einkenni tennis olboga á því að mála girðinguna í garðinum. Tók bílskúrinn í gegn og málaði. Gaf út smásagnasafnið Drama.

Júlí

Fórum í fornleifaferð til vestfjarða á Outlandernum með fellihýsi í eftirdragi. Heimsótti eyðibýlið að Austmannsdal sem móðir mín bjó sem barn. Skruppum til Svíþjóðar og þræddum Astrids Lindgrens Varld. Fékk Draumsýn sem útgefanda að bókinni minni Umsátur.

Ágúst

Það sem var eftirminnilegast var golf partý sem ég og Sirrý fórum í. Stórskemmtileg ferð sem verður vonandi endurtekin.

September

Önnur glæpasagan mín Umsátur kemur út og fer beint á metsölulistann.

Október

Fórum til Ameríku að heimsækja Davin litla og fjölskyldu. Fórum í þyrluferð yfir Grand Canyon og spilaði golf með Margarítu í annarri í eyðimörkinni.

Nóvember

Hlífðum Páli Óskari við heimsókninni sem hann lofaði og heimsóttum hann í staðinn. Mikil kynningastarfsemi á Umsátri. Upplestur í bókasafni kópavogs. Kynning á útvarpi sögu og svo hitti ég einn af betri glæpasagnahöfund þjóðarinnar Yrsu Sigðurardóttur í bókaklúbbi.

Desember

Heimsótti sögusvið Umsáturs Stykkishólm. Las upp úr bókinni og áritaði fyrir heimamenn. Fékk frábæra umsögn í Stykkishólmspóstinum og viðtal í Mogganum sem birtist á aðfangadag.

Takk fyrir mig og gleðilegt ár.

Morð í Maðkavík

Það var rétt sagt frá að ég var margspurður hvort bókinn væri um Óla Storm. Ég heyrði reyndar alltaf Óla Orm og var enn meira ruglaður í ríminu. Ég hélt að fólk byggist við barnabók í stað glæpasögu. En Óli Stormur er víst þekktur innan lögreglunnar á Stykkishólmi.

Ég verð að viðurkenna að ég var svoldið stressaður að heyra hvað heimamenn fyndist um bókina og var því mjög feginn að heyra að bókin leggist vel í fólk.

Það er ekki á hverjum degi sem maður er nefndur í sömu setningu og Stephen King.

Ég þakka Hólmurum fyrir mig og óska öllum í leið gleðilegra jóla.

Restina af greininni má nálgast á vef Snæfellinga hér að neðan.

Morð í Maðkavík

Umsátur í Eymundsson Kringlunni

Það var glatt á hjalla í Eymundsson Kringlunni þegar ég hélt útgáfuhóf í tilefni nýútkominnar glæpasögu UMSÁTUR.

Margt var um manninn og eru myndir af viðburðinum á DV.IS

Ég þakka öllum sem komu sem og lesendum mínum.

 

 

 

 

 

 

 

 

Útgáfuhóf 21. september

Í tilefni af útgáfu annarar glæpasögu minnar UMSÁTUR verður haldið útgáfuhóf í Eymundsson Kringlunni þann 21. september klukkan 17:30.

 

Lesið verður upp úr bókinni og léttar veitingar verða á boðstólum. Ég árita bækur sem verða á sérstökum útgáfuafslætti.

Hlakka til að sjá ykkur.